కృష్ణమయమైన ములుగు

26 ఏళ్లుగా కొనసాగుతున్న సాంస్కృతిక వేడుక

**ములుగు చౌరస్తాలో అలరించిన శోభాయాత్ర*

*ములుగు ప్రతినిధి , సెప్టెంబర్ 3,తరంగాలు :* శ్రీకృష్ణ జన్మాష్టమి పురస్కరించుకొని ములుగు జిల్లా కేంద్రంలోని లీలా గార్డెన్‌లో ధర్మ జాగరణ సమితి కన్వీనర్ గండ్ర కోట కుమార్ ఆధ్వర్యంలో బాలగోకులం వేడుకలు ఘనంగా జరిగాయి. ఈ కార్యక్రమానికి 15 పాఠశాలలు సాధన స్కూల్, బ్రాహ్మణి స్కూల్ , సన్రైజర్స్ స్కూల్, వెంకటాపూర్ జోహార్ స్కూల్, అరవింద స్కూల్, బిట్స్ స్కూల్,, సెయింట్ ఆంథోనీస్ స్కూల్ , బ్రిలియంట్ గ్రామర్ స్కూల్, మిరాకిల్ స్కూల్ ,వివేకవర్ధిని స్కూల్, లిటిల్ ఫ్లవర్ స్కూల్ , బండారుపల్లి మోడల్ స్కూల్ , జెడ్పీహెచ్ఎస్ బండారుపల్లి స్కూల్, భవాని స్కూల్ నుండి 1500 మంది విద్యార్థులు కృష్ణుడు, గోపికల వేషధారణలో పాల్గొని శోభాయాత్రలో అలరించారు.

*ఈ సందర్బంగా ములుగు డీఎస్పీ రవీందర్ మాట్లాడుతూ*
"బాలల్లో ఇలాంటి సాంస్కృతిక స్ఫూర్తిని నింపడం చాలా గొప్ప విషయం. శ్రీకృష్ణుడు ధర్మానికి, న్యాయానికి, స్నేహానికి ప్రతీక. చిన్ననాటి నుండే పిల్లలకు మన సంస్కృతి, సంప్రదాయాల విలువలు తెలియజేయడం వల్ల భవిష్యత్తులో వారు మంచి పౌరులుగా ఎదుగుతారు. 26 సంవత్సరాలుగా ఈ కార్యక్రమాన్ని నిర్వహిస్తున్న ధర్మ జాగరణ సమితికి నా అభినందనలు. విద్యార్థులు క్రమశిక్షణతో, ఉత్సాహంగా పాల్గొనడం చాలా సంతోషంగా ఉంది" అని అన్నారు.

*మున్సిపల్ కమిషనర్ జే సంపత్ మాట్లాడుతూ*
"ములుగు పట్టణంలో ఇంత పెద్ద ఎత్తున బాలగోకులం జరగడం ఆనందంగా ఉంది. పట్టణం మొత్తం బృందావనంలా మారింది. పిల్లలు వేసిన ప్రతి వేషంలో భక్తి, సంప్రదాయం కనిపించింది. ఇలాంటి కార్యక్రమాలు పిల్లల్లో దేశభక్తిని, ధర్మం పట్ల అవగాహనను పెంచుతాయి. ఈ వేడుకకు సహకరించిన ప్రతి పాఠశాల యాజమాన్యానికి, తల్లిదండ్రులకు ధన్యవాదాలు. లహరి గ్రూప్ వారు విద్యార్థులకు బహుమతులు ఇవ్వడం అభినందనీయం" అని అన్నారు.ఈ సందర్భంగా మధు ఫోటో స్టూడియో వారు ఉచిత ఫోటోగ్రఫీని అందించారు.